Apocalipsis 20:3-8

Ang Biblia (1978)

³ At siya'y ibinulid sa kalaliman at sinarhan, at ^(A)tinatakan ito sa ibabaw niya, upang huwag ng magdaya sa mga bansa, hanggang sa maganap ang isang libong taon: pagkatapos nito ay kailangang siya'y pawalang kaunting panahon.

⁴ At nakakita ako ng mga ^(B)luklukan, at may mga nagsisiluklok sa mga ito, ^(C)sila'y pinagkalooban ng paghatol: at nakita ko ^(D)ang mga kaluluwa ng mga pinugutan ng ulo dahil sa patotoo ni Jesus, at dahil sa salita ng Dios, at ^(E)ang mga hindi sumamba sa hayop, o sa ^(F)kaniyang larawan man, at hindi tumanggap ng tanda sa kanilang noo at sa kanilang kamay; at sila'y nangabuhay, at ^(G)nagsipagharing kasama ni Cristo sa loob ng isang libong taon.

⁵ Ang mga iba sa mga patay ay hindi nangabuhay hanggang sa naganap ang isang libong taon. Ito ^(H)ang unang pagkabuhay na maguli.

⁶ Mapalad at banal ang makalakip sa unang pagkabuhay na maguli: sa mga ito'y walang kapangyarihan ^(I)ang ikalawang kamatayan; kundi sila'y magiging ^(J)mga saserdote ng Dios at ni Cristo, at mangaghaharing kasama niya sa loob ng isang libong taon.

⁷ At kung maganap na ang isang libong taon, si Satanas ay kakalagan ^(K)sa kaniyang bilangguan,

⁸ At lalabas upang dumaya sa mga bansa na nasa apat na sulok ng lupa, ^(L)sa Gog at sa Magog, ^(M)upang tipunin sila sa pagbabaka: na ang bilang nila ay gaya ng buhangin sa dagat.