²⁶ At aking papananauliin ang iyong mga hukom na gaya ng una, at ang iyong mga kasangguni na gaya ng pasimula: ^(A)pagkatapos ay tatawagin ka Ang bayan ng katuwiran, ang tapat na bayan.

⁷ At aking pababalikin ang nangabihag sa Juda, at ang nangabihag sa Israel, at ^(A)aking itatayo sila na gaya nang una.

¹¹ Ang tinig ng kagalakan ^(A)at ang tinig ng kasayahan, ang tinig ng kasintahang lalake at ang tinig ng kasintahang babae, ang tinig nilang nangagsasabi, ^(B)Kayo'y mangagpasalamat sa Panginoon ng mga hukbo, sapagka't ang Panginoon ay mabuti, sapagka't ang kaniyang kagandahang-loob ay magpakailan pa man; at ng nangagdadala ng hain ng pagpapasalamat sa bahay ng Panginoon. Sapagka't aking ibabalik ang nangabihag sa lupain gaya ng una, sabi ng Panginoon.