Ang saro ng alak ng kapusukan ay inihandog sa lahat ng bansa.

¹⁵ Sapagka't ganito ang sabi ng Panginoon, ng Dios ng Israel, sa akin, ^(A)Abutin mo itong saro ng alak ng kapusukan sa aking kamay, at painumin mo ang lahat na bansa na pinagsuguan ko sa iyo.

¹⁶ At sila'y magsisiinom, at magsisihapay na paroo't parito, na mangauulol, dahil sa tabak na aking pasasapitin sa kanila.

¹⁷ Nang magkagayo'y inabot ko ang saro sa kamay ng Panginoon, at ^(B)pinainom ko ang lahat na bansang pinagsuguan ng Panginoon:

¹⁸ Sa makatuwid, ang Jerusalem, at ang mga bayan ng Juda, at ang mga hari niyaon, at ang mga prinsipe niyaon, upang gawin silang kagibaan, katigilan, kasutsutan, at sumpa; gaya sa araw na ito;

¹⁹ Si Faraong ^(C)hari sa Egipto, at ang kaniyang mga lingkod, at ang kaniyang mga prinsipe, at ang buong bayan niya;

²⁰ At ang ^(D)lahat ng halohalong bayan, at ang lahat ng hari ^(E)sa lupain ng Hus, ^(F)at ang lahat ng hari sa lupain ng mga Filisteo, at ang Ascalon, at ang Gaza, at ang Ecron, at ang nalabi sa Asdod;

²¹ Ang ^(G)Edom, ^(H)at ang Moab, at ang mga anak ni ^(I)Ammon;

²² At ang lahat ng hari sa ^(J)Tiro, at ang lahat ng hari sa ^(K)Sidon, at ang hari sa pulo na ^(L)nasa dako roon ng dagat;

²³ Ang Dedan, at ang Tema, at ang Buz, at ang lahat ng magsisiputol ng mga laylayan ng kanilang buhok;

²⁴ At ang lahat ng hari sa Arabia, at ang lahat ng hari sa halohalong ^(M)bayan na nagsisitahan sa ilang;

²⁵ At ang lahat ng hari sa Zimri, at ang lahat ng hari sa Elam, at ang lahat ng hari ng mga Medo;

^26 (N)At ang lahat ng hari sa hilagaan, malayo't malapit na isa't isa; at ang lahat ng kaharian sa sanglibutan, na nangasa ibabaw ng lupa: at ang hari sa ^(O)Sesach ay magsisiinom pagkatapos nila.

Ang pagkatalo ni Faraon sa Carchemis.

46 Ang salita ng Panginoon na dumating kay Jeremias na propeta tungkol sa ^(A)mga bansa.