Lik 11:34-36

Nouvo Testaman: Vèsyon Kreyòl Fasil

³⁴ Se je yon moun ki sèvi kòm sèl sous limyè^[a] pou rès kò a. Si ou gade lòt moun avèk yon je jenere, y ap wè ou se yon moun ki ranpli ak limyè. Men, si ou gade moun ak move je, y ap wè ou se yon moun ki ranpli ak fènwa. ³⁵ Fè sèten ou se yon moun ki ranpli ak limyè olye fènwa. ³⁶ Si ou ranpli ak limyè,^[b] epi pa gen okenn pati nan ou ki kache nan fènwa, ou ap briye nèt tankou lè yon lanp ap klere chemen ou ak limyè li.”