मर्कूस 3:13-19
Nepali Bible: Easy-to-Read Version
येशूले आफ्ना बाह्र जना चेलाहरू छान्नु भयो
(मत्ती 10:1-4; लूका 6:12-16)
13 त्यसपछि येशू पहाडमाथि लाग्नुभयो। येशूले केही मानिसहरूलाई आफू कहाँ बोलाउनु भयो। ती मानिसहरूलाई येशूले नै छान्नु भएको थियो। ती मानिसहरू येशू भएकहाँ पुगे। 14 येशूले बाह्रजनालाई चुन्नु भयो अनि तिनीहरूलाई “प्रेरित” भनेर भन्नुयो। येशूले ती बाह्रजना मानिसहरूलाई उहाँसित बस्नु, अनि प्रचारका निम्ति, अरू स्थानमा पठाउन चाहनुहुन्थ्यो। 15 अनि येशूले ती मानिसहरूलाई अरू मानिसहरूमा लागेको दुष्ट आत्मा हटाउने शक्ति प्राप्त होस् भन्ने चाहनुहुन्थ्यो। 16 येशूले छान्नु भएका ती बाह्रजना मानिसहरू थिए:
सिमोन (जसलाई उहाँले पत्रुस नाउँ दिनु भएको थियो),
17 याकूब र यूहन्ना, जब्दीका छोराहरू (जसलाई येशूले बोअनर्गेश नाउँ दिनुभएको थियो जसको अर्थ हुन्छ “गर्जनका छोराहरू”),
18 आन्द्रियास,
फिलिप,
बारथोलोमाई,
मत्ती,
थोमा,
याकूब (अल्फयसको छोरो),
थेदियस,
सिमोन कनानी,[a]
19 अनि यहूदा इस्करियोती (जसले येशूसित विश्वासघात गरेको थियो)।
Footnotes
- 3:18 कनानी कनानी एक यहूदीहरूका राजनैतिक दल थियो।
© 2004, 2010 Bible League International