Mateo 24:43-51

Ang Biblia (1978)

⁴³ Datapuwa't ^(A)ito'y talastasin ninyo, na kung nalalaman ng puno ng sangbahayan kung anong panahon darating ^(B)ang magnanakaw, ay siya'y magpupuyat, at hindi niya pababayaang tibagin ang kaniyang bahay.

⁴⁴ Kaya nga kayo'y magsihanda naman; sapagka't paririto ang Anak ng tao sa oras na hindi ninyo iniisip.

⁴⁵ Sino nga baga ^(C)ang aliping tapat at matalino, na pinagkatiwalaan ng kaniyang panginoon sa kaniyang sangbahayan, upang sila'y bigyan ng pagkain sa kapanahunan?

⁴⁶ Mapalad yaong aliping kung dumating ang kaniyang panginoon, ay maratnan siyang gayon ang kaniyang ginagawa.

⁴⁷ Katotohanang sinasabi ko sa inyo, na sa kaniya'y ipagkakatiwala ^(D)ang lahat niyang pagaari.

⁴⁸ Datapuwa't kung ang masamang aliping yaon ay magsabi sa kaniyang puso, Magtatagal ang aking panginoon;

⁴⁹ At magsimulang bugbugin ang kaniyang mga kapuwa alipin, at makipagkainan at makipaginuman sa mga lasing;

⁵⁰ Darating ang panginoon ng aliping yaon sa araw na hindi niya hinihintay, at oras na hindi niya nalalaman,

⁵¹ At siya'y babaakin, at isasama ang kaniyang bahagi ^(E)sa mga mapagpaimbabaw: doon na nga ang pagtangis at pagngangalit ng mga ngipin.