Matye 27:57-61

Nouvo Testaman: Vèsyon Kreyòl Fasil

Yo antere Jezi

(Mak 15:42-47; Lik 23:50-56; Jan 19:38-42)

⁵⁷ Nan apremidi te gen yon nonm rich ki te disip Jezi, yo rele Jozèf, moun Arimate, ki te vini ⁵⁸ bò kote Pilat pou l mande pou yo ba li kò Jezi. Pilat pase sòlda yo lòd pou yo remèt li kò a. ⁵⁹ Jozèf pran kò a, li vlope l ak yon dra len fen, ⁶⁰ epi l al antere l nan yon kavo tou nèf, li te fèk fè fouye nan yon karyann. Li woule yon gwo wòch pou fèmen bouch kavo a, epi l al lakay li. ⁶¹ Mari, moun Magdala a, ak lòt Mari a te ret chita devan kavo a.