Mga Awit 120-134

Ang Biblia (1978)

120 Sa aking kahirapan ay ^(B)dumaing ako sa Panginoon,
At sinagot niya ako.
² Iligtas mo ang aking kaluluwa, Oh Panginoon, sa mga sinungaling na labi,
At mula sa magdarayang dila.
³ Anong maibibigay sa iyo, at anong magagawa pa sa iyo,
Ikaw na magdarayang dila?
⁴ Mga hasang pana ng makapangyarihan,
At mga baga ng enebro.
⁵ Sa aba ko, na nakikipamayan sa ^(C)Mesech,
Na ^(D)tumatahan ako sa mga tolda sa Kedar!
⁶ Malaon ng tinatahanan ng aking kaluluwa
Na kasama niyang nagtatanim sa kapayapaan.
⁷ Ako'y sa kapayapaan:
Nguni't pagka ako'y nagsasalita, sila'y sa pakikidigma.

121 Ititingin ko ang aking mga mata sa ^(E)mga bundok;
Saan baga manggagaling ang aking saklolo?
^2 (F)Ang saklolo sa akin ay nanggagaling sa Panginoon,
Na gumawa ng langit at lupa.
^3 (G)Hindi niya titiising ang paa mo'y makilos:
Siyang nagiingat sa iyo, ay ^(H)hindi iidlip.
⁴ Narito, siyang nagiingat ng Israel
Hindi iidlip ni matutulog man.
⁵ Ang Panginoon ay tagapagingat sa iyo:
Ang Panginoon ay ^(I)lilim mo sa iyong kanan.
⁶ Hindi ka sasaktan ^(J)ng araw sa araw,
Ni ng buwan man sa gabi.
⁷ Iingatan ka ng Panginoon sa lahat ng kasamaan;
Kaniyang ^(K)iingatan ang iyong kaluluwa.
^8 (L)Iingatan ng Panginoon ang iyong paglabas at ang iyong pagpasok,
Mula sa panahong ito at sa magpakailan pa man.

122 Ako'y natutuwa nang kanilang sabihin sa akin,
Tayo'y magsiparoon ^(M)sa bahay ng Panginoon.
² Ang mga paa natin ay nagsisitayo
Sa loob ng iyong mga pintuang-bayan, Oh Jerusalem;
³ Jerusalem, na natayo
Na parang bayang ^(N)siksikan:
^4 (O)Na inaahon ng mga lipi, sa makatuwid baga'y ng mga lipi ng Panginoon,
^(P)Na pinaka patotoo sa Israel,
Upang magpasalamat sa pangalan ng Panginoon.
^5 (Q)Sapagka't doo'y nalagay ang mga luklukan na ukol sa kahatulan,
Ang mga luklukan ng sangbahayan ni David.
^6 (R)Idalangin ninyo ang kapayapaan ng Jerusalem:
Sila'y magsisiginhawa na nagsisiibig sa iyo.
⁷ Kapayapaan nawa ang sumaloob ng inyong mga kuta,
At kaginhawahan sa loob ng iyong mga palasio.
⁸ Dahil sa aking mga kapatid at aking mga kasama,
Aking sasabihin ngayon,
^(S)Kapayapaan ang sumaiyong loob.
⁹ Dahil sa bahay ng Panginoon nating Dios.
^(T)Hahanapin ko ang iyong buti.

123 Sa iyo'y ^(U)aking itinitingin ang mga mata ko,
Oh sa iyo ^(V)na nauupo sa mga langit.
² Narito, kung paanong tumitingin ang mga mata ng mga alipin sa kamay ng kanilang panginoon,
Kung paano ang mga mata ng alilang babae sa kamay ng kaniyang panginoong babae;
Gayon tumitingin ang mga mata namin sa Panginoon naming Dios,
Hanggang sa siya'y maawa sa amin.
³ Maawa ka sa amin, Oh Panginoon, maawa ka sa amin:
Sapagka't kami ay lubhang lipos ng ^(W)kadustaan.
⁴ Ang aming kaluluwa'y lubhang lipos
^(X)Ng duwahagi ng mga ^(Y)tiwasay.
At ng paghamak ng palalo.

124 ^(Z)Kung hindi ang Panginoon ay naging kakampi natin,
^(AA)Sabihin ng Israel ngayon,
² Kung hindi ang Panginoon ay naging kakampi natin,
Nang ang mga tao ay magsibangon laban sa atin:
³ Nilamon nga nila sana ^(AB)tayong buháy,
Nang ang kanilang poot ay mangagalab laban sa atin:
⁴ Tinabunan nga sana tayo ^(AC)ng tubig,
Dinaanan nga sana ang ating kaluluwa ng agos:
⁵ Dinaanan nga sana ang ating kaluluwa ng mga palalong tubig.
⁶ Purihin ang Panginoon,
Na hindi tayo ibinigay na pinaka huli sa kanilang mga ngipin.
^7 (AD)Ang kaluluwa natin ay nakatanan na parang ibon sa silo ng mga manghuhuli:
Ang silo ay nasira, at tayo ay nakatanan.
^8 (AE)Ang saklolo natin ay nasa pangalan ng Panginoon,
Na siyang gumawa ng langit at lupa.

125 Silang nagsisitiwala sa Panginoon
Ay parang bundok ng Sion, na hindi maaaring makilos, kundi nananatili magpakailan man.
² Kung paanong ang mga bundok na nangasa palibot ng Jerusalem,
Gayon ang Panginoon sa palibot ng kaniyang bayan,
Mula sa panahong ito at sa magpakailan man.
³ Sapagka't ang cetro ng kasamaan ay ^(AF)hindi bubuhatin sa ^(AG)mga matuwid;
Upang huwag iunat ng mga matuwid ang kanilang mga kamay sa kasamaan.
⁴ Gawan mo ng mabuti, Oh Panginoon, yaong mabubuti,
At yaong matutuwid sa kanilang mga puso.
⁵ Nguni't sa ^(AH)nagsisiliko sa kanilang mga likong lakad,
Ilalabas ng Panginoon na kasama ng mga manggagawa ng kasamaan.
^(AI)Kapayapaan nawa ay suma Israel.

126 Nang dalhin muli ng Panginoon yaong nangagbalik sa Sion,
^(AJ)Tayo ay gaya niyaong nangananaginip.
^2 (AK)Nang magkagayo'y napuno ang bibig natin ng pagtawa,
At ang dila natin ng awit:
Nang magkagayo'y sinabi nila sa gitna ng mga bansa,
Ginawan sila ng Panginoon ng mga ^(AL)dakilang bagay.
³ Ginawan tayo ng Panginoon ng mga dakilang bagay;
Na siyang ating ikinatutuwa.
⁴ Papanumbalikin mo uli ang aming nangabihag, Oh Panginoon,
Na gaya ng mga batis sa Timugan.
^5 (AM)Sila na nagsisipaghasik na may luha ay magsisiani na may kagalakan.
⁶ Siyang lumalabas at umiiyak, na nagdadala ng binhing itatanim;
Siya'y di sasalang babalik na may kagalakan, na dala ang kaniyang mga tangkas.

127 Malibang itayo ng Panginoon ang bahay,
Walang kabuluhang nagsisigawa ang nagtatayo:
^(AN)Malibang ingatan ng Panginoon ang bayan,
Walang kabuluhang gumigising ang bantay.
² Walang kabuluhan sa inyo na kayo'y magsibangong maaga,
At magpahingang tanghali,
^(AO)At magsikain ng tinapay ng kapagalan:
Sapagka't binibigyan niyang gayon ng pagkakatulog ang kaniyang minamahal.
^3 (AP)Narito, ang mga anak ay mana na mula sa Panginoon:
At ang bunga ng bahay-bata ay kaniyang ganting-pala.
⁴ Kung paano ang mga pana sa kamay ng makapangyarihang lalake,
Gayon ang mga anak ng kabataan.
⁵ Maginhawa ang lalake na pumuno ng kaniyang lalagyan ng pana ng mga yaon:
Sila'y hindi mapapahiya,
Pagka sila'y ^(AQ)nakikipagsalitaan sa kanilang mga kaaway sa ^(AR)pintuang-bayan.

128 Mapalad ang ^(AS)bawa't isa na natatakot sa Panginoon,
Na lumalakad sa kaniyang mga daan.
^2 (AT)Sapagka't iyong kakanin ang gawa ng iyong mga kamay:
Magiging maginhawa ka, at ikabubuti mo.
³ Ang asawa mo'y magiging ^(AU)parang mabungang puno ng ubas,
Sa mga pinaka-loob ng iyong bahay:
Ang mga anak mo'y ^(AV)parang mga puno ng olibo, Sa palibot ng iyong dulang.
⁴ Narito, na ganito nawa pagpalain ang tao,
Na natatakot sa Panginoon.
^5 (AW)Pagpapalain ka ng Panginoon mula sa Sion:
At iyong makikita ang buti ng Jerusalem sa lahat na kaarawan ng iyong buhay.
⁶ Oo, iyong ^(AX)makikita ang mga ^(AY)anak ng iyong mga anak.
Kapayapaan nawa'y suma Israel.

129 Madalas na ako'y dinalamhati nila mula sa ^(AZ)aking kabataan,
^(BA)Sabihin ngayon ng Israel,
² Madalas na ako'y dinalamhati nila mula sa aking kabataan:
^(BB)Gayon ma'y hindi sila nanganaig laban sa akin.
³ Ang mga mangaararo ay nagsiararo ^(BC)sa aking likod;
Kanilang pinahaba ang kanilang bungkal.
⁴ Ang Panginoon ay matuwid:
Kaniyang pinutol ang mga ^(BD)panali ng masama.
⁵ Mapahiya sila at magsitalikod,
Silang lahat na nangagtatanim ng loob sa Sion.
⁶ Sila'y maging ^(BE)parang damo sa mga bubungan,
Na natutuyo bago lumaki:
⁷ Na hindi pinupuno ng manggagapas ang kaniyang kamay niyaon,
Ni siyang nagtatali man ng mga bigkis, ang kaniyang sinapupunan.
⁸ Hindi man sinasabi ng nagsisipagdaan,
^(BF)Ang pagpapala ng Panginoon, ay sumainyo nawa;
Binabasbasan namin kayo sa pangalan ng Panginoon.

130 Mula sa ^(BG)mga kalaliman ay dumaing ako sa iyo, Oh Panginoon.
² Panginoon, dinggin mo ang aking tinig:
Pakinggan ng iyong mga pakinig
Ang tinig ng aking mga pamanhik.
³ Kung ikaw, Panginoon, ^(BH)magtatanda ng mga kasamaan,
Oh Panginoon, sinong ^(BI)tatayo?
⁴ Nguni't may ^(BJ)kapatawarang taglay ka,
^(BK)Upang ikaw ay katakutan.
^5 (BL)Aking hinihintay ang Panginoon, hinihintay ng aking kaluluwa,
At ^(BM)sa kaniyang salita ay umaasa ako.
⁶ Hinihintay ng ^(BN)aking kaluluwa ang Panginoon,
Ng higit kay sa paghihintay ng bantay sa umaga;
Oo, higit kay sa bantay sa umaga.
⁷ Oh Israel, ^(BO)umasa ka sa Panginoon;
Sapagka't sa Panginoon ay may kagandahang-loob.
^8 (BP)At kaniyang tutubusin ang Israel
Sa lahat niyang kasamaan.

131 Panginoon, hindi hambog ang ^(BQ)aking puso, ni mayabang man ang aking mga mata;
^(BR)Ni nagsasanay man ako sa mga dakilang bagay,
O sa mga bagay na totoong kagilagilalas sa akin.
² Tunay na aking itiniwasay at itinahimik ang aking kaluluwa;
^(BS)Parang batang inihiwalay sa suso sa kaniyang ina,
Ang kaluluwa ko ay parang inihiwalay na bata sa suso.
^3 (BT)Oh Israel, umasa ka sa Panginoon
Mula sa panahong ito at sa magpakailan pa man.

132 Panginoon, alalahanin mo para kay David
Ang lahat niyang kadalamhatian;
² Kung paanong ^(BU)sumumpa siya sa Panginoon,
At nanata sa ^(BV)Makapangyarihan ni Jacob:
³ Tunay na hindi ako papasok sa tabernakulo ng aking bahay,
Ni sasampa man sa aking higaan,
^4 (BW)Hindi ako magbibigay ng pagkakatulog sa aking mga mata,
O magpapaidlip man sa aking mga talukap-mata;
^5 (BX)Hanggang sa ako'y makasumpong ng dakong ukol sa Panginoon,
Ng tabernakulo ukol sa Makapangyarihan ni Jacob.
⁶ Narito, ^(BY)narinig namin ^(BZ)sa Ephrata:
Aming nasumpungan sa mga parang ng gubat.
⁷ Kami ay magsisipasok sa kaniyang tabernakulo;
Kami ay magsisisamba sa harap ng kaniyang tungtungan.
^8 (CA)Bumangon ka, Oh Panginoon, sa iyong pahingahang dako:
Ikaw, at ang kaban ng iyong kalakasan.
^9 (CB)Magsipagsuot ang iyong mga saserdote ng katuwiran;
At magsihiyaw ang iyong mga banal dahil sa kagalakan.
¹⁰ Dahil sa iyong lingkod na kay David
Huwag mong ipihit ang mukha ng ^(CC)iyong pinahiran ng langis.
¹¹ Ang Panginoon ay sumumpa kay David sa katotohanan;
Hindi niya babaligtarin:
^(CD)Ang bunga ng iyong katawan ay aking ilalagay sa iyong luklukan.
¹² Kung iingatan ng iyong mga anak ang aking tipan.
At ang aking patotoo na aking ituturo,
Magsisiupo naman ang kanilang mga anak sa iyong luklukan magpakailan man.
¹³ Sapagka't pinili ng Panginoon ang Sion;
Kaniyang ninasa na pinaka tahanan niya.
¹⁴ Ito'y aking pahingahang dako magpakailan man.
Dito ako ^(CE)tatahan; sapagka't aking ninasa.
¹⁵ Aking pagpapalain siyang sagana sa pagkain;
Aking bubusugin ng pagkain ang kaniyang dukha.
^16 (CF)Ang kaniya namang mga saserdote ay susuutan ko ng kaligtasan:
At ang kaniyang mga banal ay magsisihiyaw ng malakas sa kagalakan.
^17 (CG)Doo'y aking pamumukuhin ang sungay ni David:
Aking ipinaghanda ng ilawan ang aking ^(CH)pinahiran ng langis.
¹⁸ Ang kaniyang mga kaaway ay susuutan ko ng kahihiyan:
Nguni't sa kaniya'y mamumulaklak ang kaniyang putong.

133 Masdan ninyo, na pagkabuti at pagkaligaya
Sa mga magkakapatid na ^(CI)magsitahang magkakasama sa pagkakaisa!
² Parang ^(CJ)mahalagang langis ^(CK)sa ulo,
Na tumutulo sa balbas,
Sa makatuwid baga'y sa balbas ni Aaron.
Na tumulo sa laylayan ng kaniyang mga suot;
³ Gaya ng hamog sa ^(CL)Hermon,
Na tumutulo sa mga ^(CM)bundok ng Sion:
Sapagka't ^(CN)doon pinarating ng Panginoon ang pagpapala,
Sa makatuwid baga'y ang buhay na magpakailan pa man.

134 Narito, purihin ninyo ang Panginoon, ninyong lahat na lingkod ng Panginoon.
^(CO)Ninyong ^(CP)nagsisitayo sa kinagabihan sa bahay ng Panginoon.
^2 (CQ)Itaas ninyo ang inyong mga kamay sa dakong santuario,
At purihin ninyo ang Panginoon.
^3 (CR)Pagpalain ka nawa ng Panginoon mula sa Sion;
Sa makatuwid baga'y niyaong gumawa ng langit at lupa.