Jan 20:19-23

Nouvo Testaman: Vèsyon Kreyòl Fasil

Jezi parèt devan disip li yo

(Mat 28:16-20; Mak 16:14-18; Lik 24:36-49)

¹⁹ Premye jou nan senmenn nan, byen ta nan apre midi, disip yo te ansanm nan yon kay. Poutèt yo te pè Jwif yo, yo fèmen pòt la. Jezi vini, li kanpe nan mitan yo epi li di yo: “Lapè avèk nou!” ²⁰ Apre l fin di sa, li montre yo men l yo ak bò kòt li. Lè disip yo te wè Senyè a, se pa ti kontan yo te kontan.

²¹ Yon lòt fwa ankò, Jezi di yo: “La pè avèk nou. Menm jan Papa a te voye m, konsa mwen menm mwen voye nou tou.” ²² Lè l te fin pale konsa, li soufle sou yo epi li di yo: “Resevwa Sentespri a.” ²³ Moun nou padone peche yo, peche yo ap padone. Moun nou refize padone, yo p ap jwenn padon.