Matye 28:16-20

Nouvo Testaman: Vèsyon Kreyòl Fasil

Jezi parèt devan disip li yo

(Mak 16:14-18; Lik 24:36-49; Jan 20:19-23; Trav 1:6-8)

¹⁶ Onz disip yo ale Galile sou tèt mòn Jezi te pran randevou avè yo a. ¹⁷ Lè yo wè li, yo adore l, menmsi kèk ladan yo te gen dout. ¹⁸ Jezi pwoche bò kote yo, li di: “Mwen resevwa tout pouvwa nan syèl la tankou sou tè a. ¹⁹ Ale fè disip nan tout nasyon yo, epi batize yo nan non Papa a, Pitit la ak Sentespri a. ²⁰ Aprann yo fè tout sa m te ban nou lòd fè. Epi sonje: m ap toujou avèk nou jiska lafendimonn.”